Форбс сэтгүүл Америкийн хотуудыг соёл, шөнийн амьдрал, ажлын зах зээл, амьдралын өртөг, онлайн болзоо, ганц биечүүдийн тоо болон сэтгэл татам байдал гэсэн үзүүлэлтүүдээр харьцуулалт хийн шалгаруулав. Танай хот энэ жагсаалтанд шалгарсан болов уу? Манай ХамагМонгол сайтынхан мөн чинээлэг, ганц бие хүүхнүүд, харчууд хамгийн ихээрээ байдаг хотуудыг судалж та бүхэнд мэдээлж байна.

Өсвөр нас болон гэрлэлтийн хооронд ганц биеэр өнгөрүүлэх хугацаа их давчуу байдаг байсан үе өнгөрчээ. Өнөө үед анхны гэрлэлтийн дундаж нас эрэгтэйчүүд, эмэгтэйчүүд хоёулангийнх нь хувьд нэмэгдсээр байгаа ба 18 наснаас дээшхи насанд хүрсэн Америкчуудын 41% нь ганц бие залуус юм. Үнэн хэрэгтээ, ихэнх Америкчууд насанд хүрснээс хойшхи амьдралынхаа тэн хагасыг ханьгүй өнгөрүүлж чадна гэж үздэг.

Ганц бие хүмүүсийн тоо улам бүр өсөн нэмэгдэж буй ба тэд өөрийн гэсэн онцлогтой нийгмийн нэгэн бүлэг юм. Өдгөө үед гэрлээгүй, ганц бие гэсэн ойлголт нь эсрэг хүйснийхээ хамтран амьдрагчтайгаа амьдрах гэсэнтэй утга нэг болж байгаа нь 2005 онд 9.8 сая Америкчууд ийм маягаар амьдарч байснаас үзэхэд, мөн хэрэгцээ шаардлагаас илүүтэйгээр өөрийн сонголтоороо ганц бие ээж болох хандлага ихсэж байгаа зэргээс харагдаж байна. Америкийн 90 сая гэрлээгүй хүний гуравны нэг орчим нь л ганцаараа амьдардаг ба ганц бие насанд хүрэгчдийн 14% орчим нь 65-аас дээш насныхан байгаа юм. Ганц бие давхаргынхны эдийн засгийн нөлөө өсөн нэмэгдэж буй тул хотууд тэднийг аль болох алдахгүйг хичээх хэрэгтэй ажээ.

Тэгэхээр ямар азтай хотууд энэ чухал бүлгийг татах боломжтой бол? Бид энэ асуултад өөрсдийн жил бүр явуулдаг “Ганц бие хүмүүст хамгийн ээлтэй хот” гэх тусгай цуврал нийтлэлийнхээ долдугаарт хариулсан юм. Бид улсын хамгийн их төвлөрөлтэй хотожсон газруудаас 40-ийг сонгоод соёл, шөнийн амьдрал, ажлын зах зээл, амьдралын өртөг, онлайн болзоо, ганц биечүүдийн тоо болон сэтгэл татам гэсэн үзүүлэлтүүдээр харьцуулалт хийн шүүсэн. Бидний судалгааны аргачлалын тухай дэлгэрэнгүй мэдэхийг хүсвэл энд дарна уу.

Энэ жилийн хотуудын жагсаалтанд нэлээд өөрчлөлт орсон. Ялагч Сан-Франициско хот соёлын үзүүлэлтээрээ нэгт орсон бөгөөд мөн ганц бие хүн амын тоо, шөнийн амьдрал, онлайн болзоо болон сэтгэл татам байдлаараа өндөр оноо авч өмнөх жилийн 4-р байраасаа дээшлэн эхний байрт орсон юм. “Хэзээ ч унтдаггүй хот” болох Нью-Йорк шөнийн амьдралаараа нэгт жагссаныхаа ачаар 2-р байранд орж хүчтэй өрсөлдөгч болон үлдлээ. Зугаа цэнгэлийн төв гэгдэх Лос-Анжелес гуравт, Атланта дөрөвт, Чикаго тавд жагсжээ. Эхний арвын бусад хотууд нь Вашингтон D.C., Сан-Диего, Сиатл, Даллас-Форт Уорт болон Филаделфия юм.

Харин манай 2004-2006 оны эхэнд жагссан байсан Денвер 16-р байр уруу ухарлаа. Энэ нь бид энэ жил хотуудыг шалгаруулах шинэ хэлбэр уруу шилжиж, аргаа өөрчлөн хэд хэдэн шинэчлэлт хийж сайжруулснаас ихээхэн шалтгаалсан гэдгийг дурдах нь зүйтэй буй заа. Урд нь хотын газар нутаг, хүн амыг тооцоолохдоо бид АНУ-ын Тоо Бүртгэлийн Албаны “Статистикийн Метрополитан Бүс нутгууд”-ын жагсаалт буюу том хотыг дагуул хотууд болон тухайн бүс нутагтай нь нийтэд нь хамруулан авч үздэг байсан. Харин 2007 онд бид Тоо бүртгэлийн албаны зөвхөн хотууд уруу илүүтэй анхаарсан “Хотожсон бүс” уруу түлхүү чиглэсэн мэдээллийг ашиглаж эхэлсэн юм.

Ингэхлээр, тухайлбал Денверийн ойролцоо байдаг залуусын хот болох Боулдер нь Денверийн талаарх үнэлэлт, шалгаруулалтад ямар нэг нөлөөгүй болсон ба шалгаруулалтанд зөвхөн тухайн хотыг буюу энэ тохиолдолд Денверийг л авч үзэх бөгөөд энэ нь Mile-High (Миль-Өргөгдсөн буюу Денвер нь далайн төвшнөөс яг нэг милийн өндөрт оршдог) хотын үнэлгээнд муугаар нөлөөлөх ч ганц бие хүмүүсийн хувьд одоог хүртэл анхаарлыг татах бас нэг зүйл энэ хотод байгаа нь амьдралын өртөг боломжийн гэдгээрээ 1-т жагссан явдал юм.

Энэ шинэ арга уруу шилжсэнээр төв хотуудад нь хангалттай их хүн ам төвлөрч суурьшаагүйн улмаас өмнөх жилүүдэд манай жагсаалтад байдаг байсан Nashville болон North Carolina's Charlotte, Greensboro болон Raleigh-Durham зэрэг хэд хэдэн хотууд манай жагсаалтад орох боломжгүй болсон юм. Оронд нь Jacksonville, Fla., Buffalo, N.Y., Memphis, Baltimore нар солигдож орсон.

Хялбархан нүүх боломжтой байдал гэдэг нь залуу, боловсролтой, татлаа түлхээгүй хүмүүс хаа дуртай газраа амьдрах боломжтой болно гэсэн үг юм. Бидний энэхүү тусгай нийтлэл нь ганц бие хүмүүс, тэдний сэтгэлийг татах сонирхолтой хотууд болон мөн компаниудад ч гэсэн зориулж бага ч болтугай мэдээлэл өгөхийг зорьсон юм. Ингээд, дээрх бүгд дээр үндэслэн шалгарсан хотуудын жагсаалтыг та бүхэнд толилуулж байна:

1. San Francisco-Oakland
2. New York
3. Los Angeles
4. Atlanta
5. Chicago
6. Washington DC
7. San Diego
8. Seattle
9. Dallas-Fort Worth
10. Philadelphia

АНУ-ын хаанаас баян, ганц бие бүсгүй олох вэ?

АНУ-ын Тоо бүртгэлийн албанаас авсан өгөгдөл дээр үндэслэн баян, ганц бие эмэгтэй хайж олох боломжтой АНУ-ын шилдэг 10 газрыг бид судалж жагсаасан юм. Хотуудыг жагсаахдаа бид дундаж орлого, хот дахь $100,000-с дээш орлоготой өрхийн тоо гэх мэт орлогын олон үзүүлэлтийг харж харьцуулалтаа хийсэн.

Мөнгө бол мэдээж ганц чухал зүйл биш. Зөвхөн олон ганц бие бүсгүйчүүдтэй хотуудыг жагсаалтанд оруулах нь өрөөсгөл юм. Учир нь тэр хотод мөн ганц бие эрчүүдийн тоо ч өндөр байж болно. Харин таны хүсэж байгаа зүйл бол ганц бие бүсгүйчүүдийг/ганц бие эрчүүдэд харьцуулсан харьцаа өндөр байх хот. Тэгэхээр ганц бие эрчүүдээс ганц бие хүүхнүүд нь олон байх хотыг хайж олоход тань туслахын тулд бид хот бүрийн хувьд “алтан харьцаа”-г тооцоолсон юм. Энэ бол 25-34 насны ганц бие бүсгүйчүүдийг 25-34 насны ганц бие эрчүүдтэй харьцуулсан харьцаа. Энэ харьцаа өндөр байх тусмаа танд илүү боломж олдоно гэсэн үг! Бид мөн ганц бие хүн амын эзлэх хувийг тооцоолсон – энэ хувь их байх тусам тухайн бүс нутгаас ганц бие, баян бүсгүй хайж олоход улам тохиромжтой болно шүү дээ.

Эдгээр мэдээлэл нь АНУ-ын Тоо бүртгэлийн албанаас авсан өгөгдөл дээр үндэслэн маш нарийн тооцоологдсон ба анализийг зах зээлийн судалгаа, анализ хийдэг шилдэг компани болох Teasley (www.teasley.net) гүйцэтгэсэн юм. Харин GeoLytics (www.geolytics.com) гэдэг компани судалгааны өгөгдлийг бэлтгэсэн юм.

Ингээд баян, ганц бие бүсгүй хайж олох АНУ-ын шилдэг 10 газрыг жагсаавал:

#1: Washington DC/Baltimore
Хэрвээ та баян, ганц бие бүсгүй хайж байгаа бол Вашингтон/Балтиморын бүс нутаг уруу зүглэсэн нь дээр гэх байна. Ганц бие хүн амын эзлэх хувь, орлогыг амьдралын өртөгтэй харьцуулсан харьцаа, ганц бие бүсгүйчүүд/эрчүүдийн харьцаа гэсэн үзүүлэлтүүдээрээ энэ хот #1-т орлоо.
#2: New York City
#3: Boston
#4: Atlanta
#5: Chicago (w/ Gary, IN, & Kenosha WI)
#6: Philadelphia
#7 Detroit/Ann Arbor
#8 Raleigh, Durham
#9 Hartford, CT
#10 Milwaukee/Racine, WI

Эхний 10-т орж чадаагүй бусад хотуудын тухай нэмэлт мэдээллийг www.teasley.net дээрх “free resources” хэсгээс татан авч үзэж болно.

Ганц бие, баян эрчүүд хамгийн их байдаг хотууд

Энэ нь мөн Тоо бүртгэлийн албанаас авсан өгөгдлүүд дээр тулгуурлан дээрхийн адил үзүүлэлтүүдээр жагсаагдсан судалгаа юм. Эхэнд жагссан хотуудын хувьд ганц бие эрчүүдийг ганц бие бүсгүйчүүдтэй харьцуулсан харьцаа, орлогыг амьдралын өртөгтэй харьцуулсан харьцаа өндөр хувьтай гэсэн үг юм.

АНУ-ын баян, ганц бие эрчүүд хайж олох шилдэг 10 хот:

#1: Bay Area (San Francisco, Oakland, San Jose)
#2: Anchorage, Alaska
#3: Washington, D.C./Baltimore
#4: Sheboygan, Wis.
#5: Naples, Fla.
#6: The Twin Cities, Minn.
#7: Rochester, Minn.
#8: Boston, Mass.
#9: Fort Walton Beach, Fla.
#10: Dallas, Texas

Маркетингаа сайжруулахын тулд өгөгдөл, анализ дээр ажиллахад нь маркетингийн мэргэжилтнүүд болон зар сурталчилгааны агентлагуудад тусладаг, үүгээрээ мэргэжсэн Manhattan-д төвтэй Teasley компани судалгааг хийсэн болно.

Эх сурвалжийг англиар дэлгэрэнгүй унших
Баян бүсгүйчүүд
Баян эрчүүд

Орчуулсан Д.Эрдэнэсувд